لايغرك صغر سني

لا يغرك صغر سني ... لي عقل يوزن جبال
كم كبيرعاش عمره جاهل ماله فهيمه
كم صغير في الشدايد .. صار يضرب به مثال
رافع راسه بعزه ما انحني في وقت ضيمه
تدري لو صارت حروب وصوتوا لأجل القتال
صرت اولهم شجاع وغيري.. فر من الهزيمه
ما اهاب الموت .. لاني ما ابي الدنيا لمال
بايع ماني بشاري دار ماهي مستديمه
كيف ابيها واشتريها واعرف انها للزوال
مابقت لي وما بقت لك في السما ما تدوم غيمه
ولا يغرك مظهر الدنيا ترا في كل حال
فيها كل يختلف واللص ماتهمه جريمه
ما يحس بهم غيره ومايهمه قيل وقال
بس ربك ما يفوتها ولوكانت قديمه
مستهين بصغير سني .. بسألك بالله سؤال
وافهمه حطه في بالك .. لاتخليها ظليمه
بس خبرني و قلي .. شو معناة الرجال
الرجال فعلها ولا كلام ماله قيمه
الرجل لي كلمته فيها الهوا صارت هزال
من يلوم البنت لي ضاعت ولي قالوا غشيمه
لعنبوها من رجوله افقدت كل الخصال
مابقى للروح معنى والقبر يبكي نديمه
من فقد اليوم دمه .. ما ابي منه الوصال
بس جروح القلب تكفي ذقت طعنات اليمه
انجحت خطة عدوك وابتسم وجه السبال
من يحس يفور دمه صارت النخوه يتيمه
دنيتك لو اضحكت لك وافتحت لأجلك مجال
ماتحبك تستغلك تحسب انها لك كريمه
وان جفيت في دربها تغريك ترمي لك حبال
بس هدفها تستجرك لين ما تصبح غنيمه
ماتقول في يوم ابعد دوم تندهلك تعال
لين مات ف ضرب صيدك ماتبقي لك حشيمه
العقل الله وهب لك للفكر يابن الحلال
قبل لا تبغي اتكلّم خل وجهاتك سليمه
اسعى في أول مسيرك من ضميرك با ابتهال
ثابر وتابع عزومك ضد ناس لك وشيمه
الطموح اليا رميته بين هبلان وخبال
الندم لأجلك يرحب والحسد ثم النميمه
بالركاده والرزانه ترتقي فوق وتنال
رااية ترفع اهلها بالمقادير العظيمه
الطريق اخوي واضح مايبي لف وجدال
من يطيق الظلم يندم والزمن مافيه شيمه
خذ علومك من مجرب ما طرق باب الدلال
ما فعل شي والا نيته ف أقصى صميمه
المراجل درب واسع عد حبات الرمال
بس تيغي شخص ناجح للفعل قول وعزيمه